16.10.2024
Sjóðfélagayfirlit hafa verið birt.
Kæru sjóðfélagar,
Sjóðfélagayfirlit hafa nú verið birt rafrænt á island.is og á sjóðfélagavef Festu lífeyrissjóðs (www.festa.is) og eru þau eingöngu birt rafrænt tvisvar á ári.
Sjóðfélagar eru hvattir til að bera saman iðgjaldagreiðslur á sjóðfélagayfirliti við greidd iðgjöld samkvæmt launaseðlum. Til þess að iðgjöld launþega njóti ábyrgðar Ábyrgðarsjóðs launa við gjaldþrot skulu launþegar, innan 60 daga frá dagsetningu yfirlitsins, ganga úr skugga um skil vinnuveitanda til lífeyrissjóðs. Ef upplýsingar um iðgjöld vantar á yfirlitið er mikilvægt að launþegi tilkynni það til lífeyrissjóðsins, með framlagningu launaseðla innan 60 daga frá dagsetningu yfirlitsins. Komi athugasemd ekki fram frá launþega er lífeyrissjóðurinn einungis ábyrgur fyrir réttindum á grundvelli iðgjalda þessara að því marki sem þau fást greidd.
Tekið skal fram að þeir sjóðfélagar sem kjósa að fá pappírsyfirlit send heim, sér að kostnaðarlausu, geta óskað eftir því með því að senda tölvupóst á póstfangið festa@festa.is eða haft samband við sjóðinn í síma 420-2100.
frá lífeyrismál.is
